Parataekvondo üzrə Azərbaycan millisi Avropa çempionatına hazırlıq məqsədi ilə Özbəkistana yollanıb.

Bakıda startı verilən təlim-məşqlərin ikinci mərhələsi Özbəkistan və Qazaxıstan millisi ilə bərabər keçiriləcək.

Daşkənd şəhərində təşkil olunan beynəlxalq təlim-məşlərdə komandamız beş idmançı ilə təmsil olunacaq.

Baş məşqçi Fərid Tağızadə və böyük məşqçi Yaşar Səfərov heyətə Sabir Zeynalov, Sadiq Həmidov, İmaməddin Xəlilov, Əbülfəz Abuzərli və Röyalə Fətəliyevanı cəlb edib. Məşqlər aprelin 21-dək davam edəcək.

Qeyd edək ki, Avropa çempionatı 19-22 may tarixlərində Böyük Britaniyanın Mançester şəhərində keçiriləcək.