“Şamaxı”nın “Neftçi” ilə oyununun vaxtı və saatı bəlli oldu - ÖZƏL
Futbol ictimaiyyətinin gözü aydın.
Artıq “Keşlə” tarixə qovuşur. Klub 22-ci turdan etibarən “Şamaxı” adlanacaq. Bir neçə gün öncə qədim Azərbaycanın paytaxtının təmsilçisinin loqosunu diqqətinizə çatdırarkən bildirmişdik ki, komanda doğma meydanda ilk oyununu “Neftçi”yə qarşı keçirəcək. Qarşılaşmanın başlama saatı da bəlli olub. Əldə etdiyimiz məlumata görə, oyun aprelin 9-u, saat 14.00-da start götürəcək.
Məlumatı dəqiqləşdirmək üçün PFL-in Texniki İdman Departamentinin rəhbəri Elgiz Abbasova müraciət etdik. Qurum rəsmisinin açıqlaması belə oldu:
“Bununla bağlı Peşəkar Futbol Liqasının rəsmi saytında məlumat veriləcək”.
İLKİN SULTANLI
