Bilindiyi kimi, FİFA Rusiya və Ukrayna klublarından olan futbolçulara güzəşt edib.

Bu ölkələrin çempionatında çıxış edənlərin mövsümün sonuna kimi başqa klublara keçidinə icazə verilib. Almaniya Futbol İttifaqı (AFİ) Rusiya və Ukrayna klublarından olan futbolçularla bağlı qərar verib. Qərar “qeyri-transfer pəncərəsi” dövründə alınacaq futbolçularla bağlıdı. AFİ FİFA-nın icazə verdiyi kimi, həmin futbolçuları qeydiyyata alacaq. Amma onların bu mövsümün sonuna qədər rəsmi matçlarda iştirakına icazə verilməyəcək. AFİ rəhbərliyi bu qərarı müvafiq departament və komissiyalarla məsləhətləşdikdən sonra yarışın bütövlüyünü qorumaq məqsədilə verib. Yeni futbolçuların mövsümün sonuna kimi komandaları ilə məşq etməsinə və yoxlama oyunlarında iştirakına icazə verilib.