PSJ Neymarla yollarını ayırmağa hazırdı.

Fransa klubu yaxşı təklif alacağı təqdirdə braziliyalı hücumçunu saxlamayacaq. Amma Neymarın PSJ-də aldığı maaşın çoxluğu onun başqa kluba keçidi yolunda ən böyük əngəldi. PSJ-nin Neymarı təxminən 100 milyon avroya satmaq istədiyi bildirilir.

30 yaşlı futbolçunun Paris klubu ilə hazırkı müqaviləsinin müddəti 2025-ci ildə başa çatacaq. Neymar bu mövsüm PSJ-nin heyətində bütün turnirlərdə 20 oyuna çıxıb, 5 qol vurub. O, ötən ilin noyabrında aldığı zədə səbəbindən mövsümün çox hissəsini buraxıb.

Yeri gəlmişkən, PSJ-nin digər ulduzu Lionel Messi "Barselona"ya qayıda bilər. Jurnalist Adrian Qrenye bu iddianı irəli sürüb. Onun sözlərinə görə, atası 34 yaşlı hücumçunun qayıdışı ilə bağlı məsəni müzakirə etmək üçün Kataloniya klubunun rəhbərliyi ilə əlaqə saxlayıb.