"Ürəyimdən keçən də oyununun heç-heçə bitməsi idi" - Rəşad Sadıqov
Premyer - Liqanın 19-cu turunun güclü qar səbəbindən yarımçıq dayandırılan "Qəbələ" - "Zirə" matçı bu gün qolsuz bərabərliklə yekunlaşıb.
"Footbll-plus.az" saytının məlumatına görə, oyundan sonra qonaqların baş məşqçisi Rəşad Sadıqov mətbuat konfransında qarşılaşma haqda fikirlərini bildirib:"İlk növbədə onu deyim ki, qəribə oyun alındı. Bir sutkadı ki, oyun bitmirdi. Dünən hava şəraitinə görə oyun dayandırılmışdı. Belə məqamlarda komandanı tonusda, konsentrasiyada saxlamaq çox çətindi. Hər iki komandanın futbolçularını təbrik etmək istəyirəm. Ürəyimdən keçən də oyununun heç-heçə bitməsi idi. Çünki hər iki komandanın futbolçularının əziyyətinə adamın heyfi gəlirdi. Kiminsə məğlub olmasını istəmirdim. Dünənki hava şəraiti çox çətin idi, hər iki komanda yaxşı mübarizə apardı. Hər iki komandanı təbrik edirəm. Oyun barədə danışılacaq çox şey yoxdu. İstər bu gün, istərsə də dünən hər iki komandanın qol epizodları oldu. Amma yenə deyirəm, ədalətli nəticə heç-heçə idi".
Digər xəbərlər
