Millimizin baş məşqçisi Ayxan Abbasov və direktoru İlqar Qurbanov Antalyada təlim-məşq toplanışında olan “Motor”un (Polşa) futbolçusu Renat Dadaşovla görüşüb.

"Football-plus.az" xəbər verir ki, bu barədə millimizin sosial şəbəkə hesablarında məlumat yayılıb.

Ayxan Abbasov və İlqar Qurbanov görüş zamanı Dadaşovun hazırkı durumu ilə maraqlanıb və mövsümün ikinci yarısında ona uğurlar arzulayıb.

Xatırladaq ki, Renat ötən ilin iyulundan "Motor"un formasını geyir.