Sirr deyil ki, ölkəmizdə çoxları ona “qol maşını” kimi baxır, nəinki U-21-ə, hətta əsas yığmaya cəlb olunmasının zəruriliyini düşünür. Bəs U-21-in baş məşqçisi Rəşad Eyyubovun bu məsələ ilə bağlı mövqeyi necədi? Doğrudanmı, Mezzotero başqalarından fərqlənir?
“Football-plus.az”ın suallarına Rəşad Eyyubov belə cavab verdi:
“Ümumilikdə gördüklərimdən razı qaldım. Təkcə Lorentsodan yox, debüt edən bütün yeni futbolçulardan məmnun qaldım. Amma istəmirəm ki, Lorentso ətrafında həddən artıq söz-söhbət olsun. Onun milliyə uyğunlaşması və inkişafı vaxt tələb edir. Gözləntiləri həddən artıq artırmağa ehtiyac yoxdu. U-21-də oyunların və rəqiblərin səviyyəsi tam fərqlidi. Burda temp, keyfiyyət və tələbkarlıq daha yüksəkdi. Ona görə də uyğunlaşmaq üçün zaman lazımdı. Fikrimcə, milli komanda ilə bağlı danışmaq üçün hələ tezdi. Bu qərarı milli komandanın baş məşqçisi verəcək. Ən böyük fərq isə məncə mentallıqdı. Bizim futbolçular meydanda özlərini daha cəsarətli göstərməli, daha iddialı olmalı və məsuliyyəti üzərinə götürməkdən çəkinməməlidi”.
İSRAYIL XEYRULLAYEV
