Yaqo Aspas “Selta”nın tarixinə düşüb.

"Football-plus.az" xəbər verir ki, təcrübəli hücumçu komandanın heyətində İspaniya çempionatında meydana çıxan ən yaşlı futbolçu olub. Aspas buna 38 yaş 284 günlüyündə nail olub. O, Xuan Vaskes Tenreyronun 70 ildən artıq müddətdə toxunulmaz qalan rekordunu yeniləyib. “Selta”nın La Liqa tarixindəki ən yaşlı 5 oyunçusu siyahısında növbəti yerləri Visente Quayta, Qonsalo Marsa və Yayo Sans tuturlar.

"Selta"nın yetirməsi olan Yaqo 2008-ci ildən əsas komandada oynayır. O, “Selta”nın forması ilə İspaniya çempionatında 401 oyun keçirib. İspaniyalı futbolçu 2013-15-ci illərdə “Liverpul”da çıxış edib.