“Mövsümün sonunda nə baş verəcəyini bilmirəm” – Kamilo Duran da gedir?

Misli premyer-liqasının 31-ci turunun “Qəbələ” - “Qarabağ” oyunu heç-heçə bitdi. “Football-plus.az” xəbər verir ki, qonaqların kolumbiyalı ulduzu Kamilo Duran oyundan sonra jurnalistlərin suallarını cavablayıb.
- Çətin oyun olacağını bilirdik. Nəticə belə oldu. Növbəti görüşə qədər istirahət etməli və matça hazırlaşmalıyıq.
- Çempionluq əldən gedəndən sonra sanki liqaya həvəsin azalıb...
- Belə düşünməyin. Hansı komanda qələbə yerinə məğlubiyyət arzulaya bilər?! “Qarabağ” qələbəyə layiq komandadı. Sadəcə, bəzən alınmır...
- Kubokun finalında kimə azarkeşlik edəcəksən?
- Heç bir komandanı dəstəkləməyəcəm. Yaxşı olan qalib gəlsin.
- Bu mövsüm Çempionlar Liqasında göstərdiyin oyunla dünyada bir çox klubun diqqətini çəkdin. Bu komandaların təkliflərini dəyərləndirməyi düşünmürsən?
- Yox. Mənim tək düşüncəm “Qarabağ”la bağlıdı. Hələ ikiillik müqaviləm var. Mövsümün sonunda nə baş verəcəyini bilmirəm.
İSRAİL XEYRULLAYEV