“Qarabağ”ın hücumçusu Kamilo Duran Çempionlar Liqasının bombardirlər siyahısında yer alıb.

"Football-plus.az" görə, Ağdam təmsilçisinin kolumbiyalı futbolçusu TOP-10-da yer alır. Ehtiyatında 4 qolu olan 23 yaşlı oyunçu 9-cu yeri tutur. Duranla yanaşı daha 10 futbolçu 4 dəfə rəqib qapılarına yol tapıb.

Bombardirlər siyahısına 11 qolla “Real”ın hücumçusu Kilian Mbappe başçılıq edir.

“Qarabağ”ın daha bir futbolçusu Leandro Andrade isə 3 qolla 20-ci pillədə qərarlaşıb.

Xatırladaq ki, Duran dünən “Ayntraxt”a qarşı görüşdə (3:2) 2 qol vurub. O, həm də matçın ən yaxşı oyunçusu seçilib.