Yəqin ki, son illərdə heç kim əvəzedicilər liqasının oyununu bu qədər diqqət mərkəzində saxlamamışdı. Bu dəfə isə tam fərqli oldu. Səbəb isə Elvin Cəfərquliyevlə Abbas Hüseynovun Qurban Qurbanov tərəfindən “Qarabağ”ın əvəzedici heyətə göndərilməsidi.

“Sürgündə olanlar” bu gün “Zirə” ilə oyunda hərəyə bir qol vurublar. 5:1 hesabı ilə qələbə qazanan Ağdam təmsilçisinin heyətində Abbas 49-cü, Elvin 73-cü dəqiqədə (penaltidən) fərqlənib.

Qeyd edək ki, bu oyundan sonra “Zirə” turnir cədvəlində 46 xalla 3-cü, “Qarabağ” isə 38 xalla 5-ci yerdədi.

MÜZƏFFƏR QULUZADƏ