Misli premyer-liqasının 28-ci turunda “Neftçi” səfərdə “Zirə” ilə heç-heçə etdi - 1:1.

“Football-plus.az” “ağ-qaralar”ın məşqçisi Vitali Vernidubun oyunsonrası mətbuat konfransından hesabatı təqdim edir.

- Axşamımız xeyir. Çünki yaxşı axşamdı. Çünki belə oyunlar çempionatın səviyyəsini qaldırır. Hər iki komanda intensiv oynadı. Bu gün taktiki və fiziki cəhətdən güclü komandalar oynadı. Bu oyunda üstünlük bizdə idi. Bəzi hallarda rəqib durumu bərabərləşdirdi. Mənəvi baxımdan da yaxşı oyun oldu. Futbolçularımız gözəl oynadı. Hesab öndə olanda da bu temp davam edirdi. “Neftçi”yə yaraşan səviyyədə oynadılar. Son dəqiqələrdə olanlara baxıb, nəticə çıxararıq. Nə edək ki, vəziyyət bu yerə çıxmasın.

- Son epizodla bağlı fikirləriniz?
- Hörmətlə yanaşın, son dəqiqələr haqda danışmaq istəmirəm.

- Kurçinin yerinə Abubakar meydana çıxdı, sürət azaldı. Niyə belə qərar verildi?
- Belə də yanaşmaq olar. Topa sahib olmaq istəyirdik. Önəmli olan odu ki, hamı yüksək səviyyədə oynadı.

- “Zirə” “Araz-Naxçıvan”dan daha keyfiyyətli komandadı. “Araz-Naxçıvan” sizlə oyunda hesabı bərabəlışdirəşdirə bilməsə də, “Zirə” cəzalandırdı. Bunun balanslaşdırılması üçün gələn oyunlarda futbolçulara təlimat verəcəksiz?
- Belə deməzdim. Mövqeyi onlara vermirik. “Zirə” yüksək səviyyədə komandadı. Topu biz vermirik, onlar alır. 90 dəqiqə ərzində tempi saxlamaq istəyirik. Dayanmırıq, təkmilləşmək istəyirik.

MÜZƏFFƏR QULUZADƏ