Almaniyanın 2-ci bundesliqasında 26-cı turun oyunları keçirilir.

“Kayzerslautern” hesabat turunda özündən bir pillə aşağıda qərarlaşan “Karlsrue”ni qəbul edib. Bir qədər əvvəl başa çatan oyunda “qırmızı iblislər” böyükhesablı qələbə qazanıb – 3:0.

Sevindirici haldı ki, üç qoldan sonuncusu Mahir Emreli vurub. 83-cü dəqiqədə meydana çıxan həmvətənimiz 90+4-cü dəqiqədə fərqi darmadağın həddinə çatdırıb.

Onu da xatırladaq ki, bu, Mahirin cari mövsümdəki ilk qoludu. 40 xalla 7-ci pillədə qərarlaşan “Kayzerslautern” 6-cı pillədəki “Herta”dan 1 xal geri qalır.