''Fənərbaxça''nın adının bu iddialara qarışdığı dönəmlə bağlı yalnız onu söyləyə bilərəm ki, buna heç vaxt inanmamışam. Guya o dönəmdəki prezidentimiz çempionluq mübarizəsindəki əsas rəqibimiz olan ''Trabzonspor''a qarşı oynayan klublara şirnikləndirici pullar verirmiş. Ancaq həmin mövsümdə olanları öz gözümlə gördüyüm üçün bu xəbərlərə heç vaxt etibar etməmişəm. Çempionluğa gedən yolda necə çətinliklərdən keçdiyimizin, necə mübarizə apardığımızın özüm şəxsən şahidi olmuşdum. Təbii ki, biz oyunçular bağlı qapılar arxasında nələrin baş verdiyini bilmirik. Biz işimizi meydanda görən peşəkarlarıq. Amma həmin mövsümün ikinci dövrəsində ''Trabzonspor''un özünü, eləcə də səfərdə ''Qalatasaray'' və ''Beşiktaş''ı məğlub etdik. Bütün bunlar çempionluğa layiq olmağımızın əsas sübutudu. Başqa çətin oyunlarımızı da xatırlayıram. 2011-in yayında prezident həbsxanaya düşdü. Klubla bağlı bir çox yalan şey eşitdim. Hər ağızdan bir söz çıxırdı. ''Fənər''in aşağı liqaya göndəriləcəyi deyilirdi. Men isə aşağı liqada oynamaq istəmirdim. Düzdü, sonradan bu iddialar təkzib olundu. Amma gözüm artıq çox qorxmuşdu. Ona görə də ''Fənər''dən ayrıldım. Sonradan komanda elitada qaldı. Mən də əslində boş yerə, özüm istəmədən ordan ayrılmalı oldum''.