"Sumqayıt" Misli premyer-liqasının 16-cı turunda "Sabah"a uduzdu - 1:3.

"Football-plus.az" xəbər verir ki, "kimyaçılar"ın məşqçisi Veliçko Kaplanoviç oyunsonrası mətbuat konfransında jurnalistlərin suallarını cavabladı.

- "Sabah"ı qələbə münasibətilə təbrik edirəm. Yaxşı oynadılar, qələbəyə layiq idilər. Bütün səhvlərimizin cəzasını çəkdik. İkinci hissədə daha yaxşı oynamağa çalışdıq. Ancaq "Sabah" kimi rəqiblərə qarşı oyunlarda əvvəldən sona qədər yaxşı oynamaq lazımdı.

- Oyunda edilən səhvlər nə ilə bağlı idi? “Sabah”ın “Qarabağ”ı məğlub etməsi futbolçuları çəkindirmişdi?
- "Qarabağ"ın uduzmağı futbolçulara təsir etmədi. Səhvlər etdiyimizə görə qollar buraxdıq. 2-ci və 3-cü qolu çox sadə şəkildə buraxdıq. Gərək belə olmayaydı...

- Aleksa Yankoviçin durumu haqda nə deyə bilərsiniz? Gah ehtiyatda qalır, gah əsas heyətdə meydana çıxır.
- Bu cür olmağı Yankoviçin hələ tam formaya düşə bilməməyinə görədi. Çalışırıq ki, daha yaxşı olsun.

- Planda qış "transfer pəncərəsi"ndə hücumçu almaq varmı?
- Hücumçuya ehtiyac var. Rəhbərliyə bu barədə düşüncələrimizi çatdırmışıq. Amma qısa zamanda yaxşı hücumçu tapmaq çətin məsələdi.