Albaniya superliqasında 13-cü tur start götürüb.

"Football-plus.az" xəbər verir ki, azərbaycanlı futbolçu Vüsal İsgəndərlinin çıxış etdiyi “Partizani” növbəti matçına çıxıb.

Sözügedən komanda səfərdə “Elbasani” ilə qarşılaşıb. Qarşılaşma 0:0 hesablı heç-heçə ilə yekunlaşıb. İsgəndərli matça start heyətində başlayıb və 79-cu dəqiqədə əvəzlənib.

"Partizani" hazırda 14 xalla 6-cı pillədə qərarlaşıb. "Elbasani" isə liderdi. Onu da qeyd edək ki, Vüsal İsgəndərlinin komandası ötən turda da lider "Vllaznia"nı (1:1) büdrətmişdi.