Basketbol üzrə Avroliqada 10-cu turun oyunları keçirilib. Türkiyə klublarından ikisi də turu qələbə ilə başa vurub. “Fənərbaxça” evdə “Hapoel”dən, “Efes” isə “Bavariya”dan üstün olub.

"Football-plus.az" xəbər verir ki, turnirin iddialı komandalarından “Barselona” Xavyer Paskualı baş məşqçi vəzifəsinə qaytardığını elan edib. 53 yaşlı mütəxəssis Kataloniya klubu ilə 2028-ci ilə qədər müqavilə bağlayıb.

Xatırladaq ki, Paskual 2004-05-ci illərdə “Barselona”nın B komandasına rəhbərlik edib, 2005-08 aralığında əsas komandada Duşko İvanoviçin yardımçısı olub, ardından “sükan arxasına” keçərək 2016-ya qədər komandanı çalışdırıb. “Barsa” onun rəhbərliyi altında Avroliqanın 2009/10 mövsümünün qalibi olub. Paskual son 5 ildə çalışdırdığı “Zenit”ə dörd titul qazandırıb.

Fənərbaxça (Türkiyə) – Hapoel T-Ə (İsrail) 74:68 (13:13, 14:15, 27:16, 20:24)
Srvena Zvezda (Serbiya) – Monako (Fransa) 91:79 (23:25, 19:21, 23:18, 26:15)
Makkabi T-Ə (İsrail) – Baskoniya (İspaniya) 89:83 (25:18, 28:25, 18:25, 18:15)
Paris (Fransa) – Valensiya (İspaniya) 90:86 (15:14, 22:35, 30:22, 23:15)
Real (İspaniya) – Panatinaikos (Yunanıstan) 77:87 (16:22, 22:30, 21:21, 18:14)
Dubay (BƏƏ) – Jalgiris (Litva) 95:89 (24:34, 21:14, 28:16, 22:25)
Efes (Türkiyə) – Bavariya (Almaniya) 74:72 (19:14, 23:20, 18:13, 14:25)
ASVEL (Fransa) – Partizan (Serbiya) 88:87 (26:20, 16:16, 24:27, 22:24)
Barselona (İspaniya) – Virtus B (İtaliya) 88:81 (20:19, 25:24, 16:24, 27:14)
Milan (İtaliya) – Olimpiakos (Yunanıstan) 91:87 (27:21, 20:22, 20:13, 24:31)

Xal durumu: Srvena Zvezda, Hapoel T-Ə – 19, Jalgiris, Olimpiakos, Barselona, Panatinaikos – 18, Milan, Monako, Valensiya, Fənərbaxça – 17, Real, Paris, Dubay, Virtus B, Bavariya – 16, Efes, Partizan – 15, Makkabi T-Ə, Baskoniya, ASVEL – 14.