“Liverpul” sabiq oyunçusu Dioqo Jotanın müqaviləyə əsasən almalı olduğu pulu ödəyib. Müəyyən məbləğdə olan vəsait mərhum futbolçunun ailəsinə çatdırılıb.

"Football-plus.az" xəbər verir ki, bu barədə mediaya komandanı çalışdıran Arne Slot məlumat verib. İngiltərə klubu müqavilə müddətinin qalan iki ili üçün nəzərdə tutulan maaşı Dioqonun yaxınlarına ödəyib. Yerli mənbələrin məlumatına görə, məvacibin ümumi məbləği 10 milyon funt sterlinqə bərabərdi.

Xatırladaq ki, portuqaliyalı hücumçu iyulun 3-də qardaşı Andre Silva ilə birlikdə avtomobil qəzasında həlak olub. Jota 2020-ci ildə sıralarına qoşulduğu “Liverpul”da bütün turnirlərdə meydana çıxdığı 182 oyunda 65 qol vurub və 26 məhsuldar ötürmə verib.

Mərhum futbolçunun 2024/25 mövsümündə komanda ilə İngiltərə çempionu olduğunu da qeyd edək.