Müqaviləsi yenilənə bilər
Harri Keyn haqda bir-birinə zidd xəbərlər yayılmaqda davam edir.
"Football-plus.az" xəbər verir ki, son vaxtlar onun mövsümün sonunda vətəni İngiltərəyə qayıda biləcəyi haqda informasiyalar səngimir. Lakin “Bavariya” rəhbərliyinin hücumçu ilə bağlı öz planı var.
İdman direktoru Maks Eberl Keyn ilə müqaviləni yeniləmək niyyətində olduğunu bildirib:
“Harri bizim üçün xüsusi futbolçudu, əsl liderdi. O, vaxtilə “Bavariya”ya öz istəyi ilə gəlib. Klubumuzda özünü xoşbəxt saydığını dəfələrlə deyib. Onunla birgə yolumuzu davam etdirmək istəyirik. Buna görə yeni müqavilə ilə bağlı danışıqları sakit şəkildə aparmağı planlaşdırırıq”.
Əlavə edək ki, Harrinin müqaviləsinin müddəti 2027-ci ilin yayına qədərdi.
Digər xəbərlər
