“Kəpəz” Zirədə eyniadlı qəsəbə təmsilçisi önündə darmadağın oldu - 0:5.

“Football-plus.az” xəbər verir ki, qonaqların baş məşqçisi Adil Şükürov oyundan sonra media önünə çıxıb.

- Çox danışılacaq bir şey yoxdu. Qapımızda üç kuryoz qol gördük. Şanslardan istifadə edə bilmədik. Milli fasilədə komandani toparlamağa çalışacağıq. Bu bizi üzür.

- Danışıqlar zamanı rəhbərliyin sizə verdiyi sözlərdən hansıları yerinə yetirildi?
- Futbolçularım məşqlərdə etdiyini meydanda göstərə bilmirlər. Ümumi problem budu. Sanki məşqdə başqa futbolçulardı, oyunda başqa. Rəhbərlik yenə transfer etmək istəyir. Ümid edirəm ki, daha yaxşı olacaq.

- Ötən konfransda vingerlərlə hücumçuya ehtiyac olduğunu demişdiz. Amma gələn futbolçular yarımmüdafiəçi və müdafiəçidi.
- İstədiklərimizi həyata keçirəndən sonra başa düşdük ki, müdafiəçi və yarımmüdafiəçi lazım idi.

- Bu məğlubiyyət Adil Şükürovun kreslosunu laxlatmaz ki?
- Adil Şükürov bu məğlubiyyətlə daha güclü olmalıdır. Milli fasilədən sonra güclənəcəyik.

- Ohori komandaya nə vaxt qoşuldu?
- Dünəndən qoşulub. İstədik ki, komandaya uyğunlaşsın. Gələcəkdə 10 nömrə mövqeyində onu görmək istəyirik.

- Ohorini siz istədiz, yoxsa rəhbərlik gətirdi?
- Yayda istəyirdik. Gəlməsi an məsələsi idi. “Neftçi” saxlamaq istəməsəydi, təlim-məşq toplanışına aparmazdı.

- Verdaska niyə getmişdi, niyə qayıtdı?
- Transferlərimizi tamamlamaq üçün idi. Yeni transfer olsa, qışda olacaq.

MÜZƏFFƏR QULUZADƏ