“Barselona”da MarkAndre ter Ştegen ilə bağlı həyəcanlı vəziyyət yaranıb.

"Football-plus.az" xəbər verir ki, rəhbərlik artıq qapıçının kapitan statusundan azad edildiyini açıqlayıb.

İspaniya klubunun mətbuat xidmətinin yaydığı xəbərə görə, bu qərar almaniyalı futbolçuya qarşı başlanılan məhkəmə xarakterli proses davam edənə qədər qüvvədə olacaq. Bu müddətdə komandanın əsas kapitanı Ronald Arauxo olacaq. Qərar klubun idman direktorluğu və məşqçilər heyəti ilə razılaşdırılıb.

Xatırladaq ki, Ter Ştegen klubun La Liqaya təqdim etməli olduğu tibbi sənədə imza atmaqdan imtina edib. Bu sənəd onun keçirdiyi bel əməliyyatı ilə bağlıdı və La Liqa tərəfindən yeni oyunçuların qeydiyyatı üçün zəruridi. Alman qapıçının bu imtinası klubun həm maliyyə, həm də idman planlarını çətin vəziyyətə salıb.