"Xankəndi" 1-ci liqa klubunun bombardiriylə anlaşdı - açıqlama
2025/26 "futbol ili"ndə 2-ci liqada çıxış edəcək "Xankəndi"nin formalaşdırılması yönündə işlərə başlayıb.
Bu barədə "Football-plus.az"a Qarabağ təmsilçisinin baş məşqçisi İbrahim Uzunca məlumat verib. Mütəxəssis artıq "Karvan"ın futbolçusu Bəhruz Teymurovla şifahi razılıq əldə etdiklərini bildirib.
Onun sözlərinə görə, kollektivin hədəfi qarşıdan gələn mövsümü çempion kimi başa vurmaqdı:
"Bəhruz Teymurov Azərbaycanın ən təcrübəli futbolçularından biridi. Başa çatan mövsümdə 1-ci liqanın bombardirləri siyahısında yer aldı. Belə oyunçuların bilik və bacarıqlarına ehtiyacımız var. Hələ müqavilə imzalamamışıq. Ancaq məqsədimiz anlaşma müddətinin mümkün qədər uzun olmasıdı. Daha 5-6 təcrübəli futbolçu ilə güclənməyə çalışacağıq. İyunun sonunda bu yöndə çalışmalarımızı sürətləndirəcəyik".
Xatırladaq ki, "Xankəndi" 2024/25 mövsümündə Region Liqasının çempionu olub.KƏNAN BAHADIR
Digər xəbərlər
