Futzal üzrə yüksək-liqanın 19-cu dəfə qalibi olan “Araz-Naxçıvan” baş məşqçi Yevgeni Kukseviçlə müqavilənin müddətini uzadıb.

"Football-plus.az" xəbər verir ki, rusiyalı mütəxəssis daha bir il ölkə çempionunu çalışdıracaq.

Hazırkı heyətlə bağlı da müəyyən qərarlar verilib. Klubdan verilən məlumata görə, legionerlərdən Giovanny Valerio ilə yeni anlaşma əldə olunub. Braziliyalı futzalçı da yeni mövsümü “qırmızı-ağlar”ın heyətində keçirəcək. Onunla müqavilə bir illik imzalanıb.

Yerli futzalçılarla bağlı qərar isə iyunun 5-də keçiriləcək ölkə kubokunun final matçından sonra veriləcək. Oyun saat 14.00-da Olimpik Starda baş tutacaq.

Qeyd edək ki, dünən qızıl medal və çempionluq kuboku ilə təltif olunan “Araz-Naxçıvan” 2025-26-cı illər mövsümündə ölkəmizi Çempionlar Liqasında təmsil edəcək.