''Real''da əsas heyət üzvü olmamasına baxmayaraq ən çox müzakirə edilən futbolçulardan biri olan Arda Gülər maraqlı bir xəbərlə gündəmə gəlib.

Madrid nəhəngində ikinci mövsümünü tamamlamaq üzrə olan və məşqçi dəyişikliyindən sonra daha çox oynamaq şansı qazanacağı gözlənilən türkiyəli ulduz bu dəfə şəxsi həyatındakı bir yeniliklə gündəmdədi.

Türkiyə mətbuatının yazdığına görə Arda özü və ailəsi üçün ''Beykoz Acarkənd''də lüks bir villa alıb. 5 mərtəbəli villa ona 3 milyon dollara başa gəlib! 1000 kvadrat/metrlik geniş həyəti, gözəl hovuzu, eləcə də əla panoraması olan villanı istədiyi kimi yenidən təmir etdirmək isə ona 2 milyon dollara başa gələcək. Yəni 20 yaşlı futbolçu yeni alacağı evə ümumilikdə 5 milyon dollar xərcləyəcək!

9 otaqdan ibarət lüks villa daha öncə aylıq 14 min dollardan kirayəyə verilirdi.