Ukrayna futbolunun nəhəngləri hesabat turunda qolsuz heç-heçə ilə kifayətləndi.

“Polesye”nin qonağı olan “Dinamo” çox çalışsa da, rəqib qapısına yol tapa bilmədi. Amma bu 1 xal “Krivbass” və “Karpatı” ilə birgə avrokuboklara vəsiqə uğrunda mübarizə aparan “Polesye” üçün də çox vacib idi.

“Şaxtyor” mövsümün sonunda motivasiyasızlıqdan əziyyət çəkir. Donetsk klubu indi yalnız çərşənbə günü keçiriləcək ölkə kubokunun finalında “Dinamo”nu məğlub etməyi və mövsümü titulla bitirməyi düşünür. Konkret “Zarya” ilə oyunda “Şaxtyor”un işini çətinləşdirən daha bir məqam var idi: artıq 17-ci dəqiqədə meydandan qovulan Qram komandanı azlıqda qoydu.

“Dinamo” ilə “Şaxtyor”dan sonra meydana çıxan “Aleksandriya” “Karpatı”nı səfərdə məğlub etsəydi, çempionluq şansını artıracaqdı. Ancaq 10-cu dəqiqədə hesabı açan qonaqlar sonda acı məğlubiyyət yaşadı: Krasnopirlə Çaçuanın vurduğu qollar lvovlulara qələbə qazandırdı. “Karpatı” məğlubiyyətsiz oyunlar seriyasını 10-a çatdırdı, “Aleksandriya”nın belə seriyası 8-də dayandı.

Turun qalan oyunlarına gəlincə, səfərdə “Vorskla”nı məğlub edən “Çernomorets” hələ də elitada qalacağına ümid edir. “Dənizçilər”in heyətində ən fəallardan olan, 80-ci dəqiqəyə qədər meydanda qalan Emil Mustafayev epizodların birində topu dirəyə vurdu. “Rux” “Veres”ə qalib gəlməklə bu komandanı turnir cədvəlində arxada qoydu, “Obolon” – LNZ oyunundakı heç-heçə hər ikisini təhlükəli zonadan bir qədər də uzaqlaşdırdı, “Kolos” “Krivbass”ı məğlub etməklə elitada yerini qorudu, Krivoy-Roq təmsilçisinin avrokubok ambisiyasına ciddi zərbə vurdu. Turun dünən keçirilən son oyununda “İnqulets” “Levıy bereq”ə qalib gəldi.

28-ci tur
Polesye – Dinamo 0:0
Dinamo: Neşeret, Belovar, Dubinçak, Popov (Mixavko, 75), Tımçik, Buyalski (Pixalenok, 75), Mixaylenko, Yarmolenko (Voloşin, 75), Vanat, Kabayev, Şaparenko.

Zarya – Şaxtyor 0:0
Şaxtyor: Fesyun, Bondar, Vinisius (Nazarina, 60), Qram, Pedro Enrike, Bondarenko, Krıskiv, Pedrinyo (Sukanov, 60), Kevin (Şved, 74), Qomes (Farina, 68), Eginaldo (Neverton, 60).

Karpatı – Aleksandriya 2:1
Krasnopir, 80-p. Çaçua, 90+5 – Kampuş, 10.

Vorskla – Çernomorets 1:2
Ndukve, 43 – Xoblenko, 75. Jarju, 82.

Rux – Veres 2:0
Babukar, 26. Qorin, 79.

Obolon – LNZ 0:0

Krivbass – Kolos 0:1
Telles, 8.

İnqulets – Levıy bereq 2:1
Losenko, 44. Faraseyenko, 90+2 – Sidney, 64.

21-ci turdan təxirə salınan oyun: Krivbass – Levıy bereq 4:0 (Kuzık, 27. Tverdoxleb, 47; 90. Sosa, 69).

1. Dinamo 28 20 8 0 59-17 68
2. Aleksandriya 28 19 6 3 43-21 63
3. Şaxtyor 28 17 7 4 64-24 58
4. Karpatı 28 13 7 8 40-31 46
5. Polesye 28 11 11 6 36-27 44
6. Krivbass 28 12 7 9 32-25 43
7. Rux 28 9 10 9 29-25 37
8. Zarya 28 11 4 13 31-37 37
9. Veres 28 9 8 11 31-40 35
10. Kolos 28 7 11 10 24-23 32
11. Obolon 28 7 8 13 18-42 29
12. LNZ 28 7 8 13 24-36 29
13. Vorskla 28 6 7 15 23-37 25
14. İnqulets 28 5 8 15 19-42 23
15. Levıy bereq 28 6 5 17 17-38 23
16. Çernomorets 28 6 3 19 19-44 21

Bombardirlər: Vanat (Dinamo) – 17, Tverdoxleb (Krivbass) – 13, Sudakov (Şaxtyor), Qutsulyak (Polesye) – 11.

Növbəti turun oyunları mayın 17-18-də keçiriləcək: Zarya – Polesye, Kolos – Karpatı, Krivbass – Obolon, Levıy bereq – Rux, LNZ – Vorskla, Çernomorets – Dinamo, İnqulets – Şaxtyor, Aleksandriya – Veres.