“Miroslav Klozenin komandası səfərdə “Kayzerslautern”i məğlub edəndən (2:1) sonra yenidən yüksəlişlə keçmək şansını yaxalasa da, evdə “Paderborn”a uduzmaqla (2:3) sarsıldı. Kollektiv niyə sabit nəticələr qazana bilmir? Çünki hücumçular lazım olan qədər qol vurmur. Son oyunda Yannis Antiste vərəqə cəzalısı olduğuna, Stefanos Tzimas isə əzələ və bel ağrılarından əziyyət çəkdiyinə görə meydana çıxmadı. Mahir Emrelinin qolları da qələbə üçün yetərli olmadı. Çempionatın ən gənc komandasının (orta yaş: 23) bundan sonra ciddi uğurlar qazanacağına inanmaq çətindi. “Nürnberq” “Paderborn”la oyun ərzində rəqibin qapısına cəmi 3 zərbə endirə bildi. Görünür, Mahirin qol vurmaq üçün tək mübarizə aparması komandanı daha bir mövsümü boşa verməyə doğru aparır. Həmçinin azərbaycanlı daha çox qısa ötürmələrə üstünlük verir. Belədə dəyərləndirilə biləcək epizodlar zamanı rəqibin dərin mövqelərinə yol açmaq mümkün olmur. Bunu Mahirin hər iki qolunun ötürməsini verən Yulian Yustvan da etiraf edir: “Mahir komanda üçün faydalı olmağa çalışır, lakin ikinci hücumçuya ehtiyacımız var. Çünki dərin mövqelərə nüfuz edə bilmirik. “Paderborn” kimi rəqibə daha ciddi təzyiq göstərməliydik. Amma bunu tək Mahirlə etmək mümkün deyil”. Deməli, “Nürnberq”in bundesliqaya yüksəlmək şanslarının çox az olduğunu deyə bilərik”.