“Zirə” Misli premyer-liqasının 31-ci turunda “Sumqayıt”ı məğlub etdi - 3:1.

“Football-plus.az” xəbər verir ki, oyundan sonra meydan sahiblərinin baş məşqçisi Rəşad Sadıqov jurnalistlər önünə çıxıb.

- Futbolçularımı təbrik edirəm. Vacib 3 xal qzandıq. Birinci hissə bizim üçün daha rahat keçdi. Bütün həftəboyu rəqibin rəngarəng olduğunu futbolçulara xatırladırdıq. İkinci hissənin əvvəlində qol buraxdıq. Rəqib üzərimizə gəldi. Son dəqiqələrdə müdafiəyəmeyilli dəyişikliklər etdik. Rəqib hesabı bərabərləşdirə bilərdi. Biz fərqləndik və qələbə qazandıq.

- Qalib gəlməsəydiz, “Qarabağ” çempionluğu rəsmiləşdirə bilərdi…
- Bu barədə heç düşünmürdük. Yalnız özümüzü düşünürük. Yüksək yerlər uğrunda mübarizə aparmaq istəyirik. Növbəti qolu buraxsaydıq, futbolçulara qəzəblənməyəcəkdim.

- “Kocaelispor” superliqaya vəsiqə qazandı. Bu barədə fikirləriniz necədi?
- Çox sevindim. O şəhər yüksək liqada oynamağa layiqdi. Möhtəşəm stadion tikilib. O komandaya azarkeşlik edəcəm.

- Ötən həftə “Neftçi” ilə oyunda Akaya qarşı irqçilik oldu. Onun psixoloji durumu nə yerdədi?
- O barədə məlumatım yoxdu. “Neftçi” ilə oyunda zədə üzündən dəyişmək istəyirdik. İki-üç həftə meydanda ola bilməyəcək.

- Legioner limitinin tətbiq olunmaması planlarınızı dəyişirmi?
- Komandada rəqabət olacaq. Avrokuboklarda 5 yerli futbolçu ilə oynamışıq. Növbəti ildən limit ləğv olunub. Dəyərli yerli futbolçularımız var.

- Əvvəl deyirdilər ki, limit “8+3 olacaq. İndi tam ləğv etdilər…
- Bu məsələnin üstündən 2-3 ay keçib. Yenidən bu haqda danışmaq nəyisə dəyişməyəcək.

- Müqavilə müddəti bitən futbolçularla danışıqlar nə yerdədi?
- Danışıq apardığımız futbolçular var. Çox futbolçu bizlə davam edəcək.

ƏSƏD SEYİDOV