“Təəssüf ki, oyunda bəzi qırılma nötələri oldu. Qapıçımıza həmin epizodda qırmızı vərəqə verilməməliydi. Oyunun əvvəlində azlıqda qaldıq və bu, bütün planlarımızı pozdu. On nəfərlə qalsaq da, evdə çox yaxşı oyun gösətərən “Zaqatala”ya qol vura bildik. Hər iki hissənin əvvəlində qol buraxdıq. Oyunun gedişində cərimə meydançasında top rəqibin əlinə dəysə də, penaltimiz verilmədi. Deyərdim ki, qırmızı vərəqə oyunun taleyini həll etdi. “Qəbələ”yə də böyük hesabla məğlub olduq. Hər iki rəqib çox yaxşı oyun göstərirdi. “Qəbələ” ilə oyunda ardıcıl iki qol buraxmaq bizə yaxşı təsir etmədi. Həmin oyunun 79-cu dəqiqəsinə qədər hesab 0:2 idi. 3-cü qolu buraxmağımız psixoloji cəhətdən oyunçularımı ruhdan saldı”.