''Trentin artıq 26 yaşı var. Müqavilə müddəti mövsümün sonunda bitir. İndi çox ciddi bir seçim qarşısındadı. Ya ''Liverpul'' ilə yeni müqavilə imzalayıb gələcəyinin bu klubla bağlı olduğunu göstərməli, ya da ona uzun müddətdi ciddi maraq göstərən ''Real''a keçməlidi. Söhbət ''Real''dan başqa hansısa klubdan getsəydi, bu mövzu həqiqətən də müzakirələrə səbəb ola bilərdi. Amma söhbət məhz Madrid nəhəngindən gedirsə, bir futbolçunun karyerasının inkişafı və yeni mərhələsi baxımından bu kluba can atması başadüşüləndi. ''Real'' zəngin tarixə malik olan dünyanın ən böyük klubudu. Belə bir fürsəti əldən vermək futbolçu üçün bağışlanmaz bir səhv ola bilər. Ona görə də Arnold bu tarixi fürsətdən yararlanmaq istəsə, onun qərarını anlayışla qarşılamaq lazımdı. Düzdü, ''Liverpul'' onun üçün doğma klubdu və həyatının 20 ilini burda keçirib. Bu məqam ''Enfild''dən ayrılmaq mövzusunu çətinləşdirir. Amma hər bir futbolçunun həyatında elə bir an gəlir ki, gələcəyi düşünərək çox mühüm bir qərar verməli olur''.