Bir tərəfdən zədəsininin müalicəsi ilə məşğul olan, bir tərəfdən yeni sevgilisi Çayna Suares ilə həyatın dadını çıxaran ''Qalatasaray''lı Mauro İkardi digər tərəfdən keçmiş həyat yoldaşı Vanda Nara ilə ciddi problemlər yaşamaqda davam edir.

''Football-plus.az'' İtaliya mətbuatına istinadən xəbər verir ki, cütlük artıq İtaliyada rəsmən boşanıb.

Onların həm Argentina, həm də İtaliyada mülkləri olduğu üçün hər iki ölkədə ayrı-ayrı boşanma prosesləri gedir. Milan məhkəməsi artıq cütlüyün rəsmən boşanmasına qərar verib. Amma məsələ burasındadı ki, tərəflər arasında həm maddi, həm mülklərin bölüşdürülməsi, həm də uşaqların himayəsi məsələlərində çox ciddi fikir ayrılıqları mövcuddu. Xüsusilə də hər iki tərəf qızları Françeska və İzabellanın himayəsini qazanmağa çalışır. İkardi bir neçə gün öncə vəkillərindən xəbərsiz qızlarını görmək üçün Vandanın qaldığı evə yollanmış və orda böyük bir qalmaqal qopmuşdu. Həmin vaxt polislər araya girməli olmuşdular. Nara İkardinin aqressiv hərəkətlərini fürsət bilərək növbəti dəfə ondan məhkəməyə şikayət etmişdi.

Buenos Ayresdəki məhkəmə isə müvəqqəti olaraq qızların himayəsini Vandaya verərək İkardinin onların qaldığı evə yaxınlaşmasına qadağa qoydu.

Bu hadisədən sonra ünlü futbolçu öz paylaşımında Naranı Mitomaniya xəstəsi (reallıqdan uzaq olan, pataloji yalan danışan insanlar) adlandıraraq qızları üçün də duyğusal paylaşım etdi: