4 oyun + Cavid Hüseynovun cəriməsi?
AFFA İntizam Komitəsi sonuncu iclasında “Səbail”i 3000 manat cərimələyib. Buna “dənizçilər”in futbolçusu Suleyman Alluşun “Zirə”yə 0:1 hesabı ilə uduzduqları matçda təcavüzkar davranışa görə birbaşa qırmızı vərəqə alandan sonra hakimləri təhqir etməsi səbəb olub. Süleymana 4 oyunluq cəza kəsilib.
Oyunsonrası mətbuat konfransında “Səbail”in baş məşqçisi Cavid Hüseynov qırmızı vərəqə epizodunu belə şərh edib:
“Alluş bilərəkdən edibsə, klub tərəfindən böyük məbləğdə cərimələnəcək. İstənilən halda, komandanı bu vəziyyətdə qoymaq olmaz”.
Görəsən, Alluşu cərimə də gözləyirmi? Bu sualla “dənizçilər”in mətbuat xidmətinin rəhbəri Rəşad Məmmədova müraciət etdik.
Onun “Football-plus.az”a cavabı:
“Belə məsələlər klubun daxili işidi. Daxili intizam məcəlləsi ilə tənzimlənir və əlbəttə ki, baş məşqçinin qərarı ilə. Belə məsələlərlə bağlı açıqlama vermək düzgün deyil”.
ƏSƏD SEYİDOV
Digər xəbərlər
