''Əslində onlar məni bu məsələdə sıxışdırmağa çalışarkən heç ağıllı davranmadılar. Çünki keçmişimi bilmirdilər. Afrika, afrikalı insanlar, afrikalı oyunçular və Afrikadakı xeyriyyə fondları ilə əlaqələrimi bilmirdilər. Ona görə də bu irqçilik məsələsi mənə ziyan vurmaq əvəzinə bumeranq kimi fırlanaraq onların özünə ziyan vurdu. Hər kəs mənim necə insan olduğumu bilir. Düzdü, pis özəlliklərim də var. Bunu da insanlar bilir. Amma bunların arasında irqçilik yoxdu. Ən önəmlisi mən özüm kim olduğumu bilirəm. Məni irqçilikdə günahlandırmaq çox uğursuz seçimdi. Okan Burukun meydanın kənarındakı hərəkətləri? Mən o hərəkətləri edə bilmərəm. Onun səviyyəsinə enə bilmərəm. Bəzən edirəm və öz-özümə ''Joze, nə üçün bunu etdin, nə üçün bu səviyyəyə endin'' deyə soruşuram. Bu məsələdə hətta məni sevməyən insanlardan da dəstək aldım. Danışmaqdan çəkinməyən insanlara, xüsusilə sabiq oyunçularıma təşəkkür edirəm. Onlar mənə çox mühüm dəstək nümayiş etdirdilər. Mənə dörd oyunluq cəza verildiyi gün İntizam Komitəsinin prezidentinin ''Qalatasaray'' forması geyərək dostları ilə qeyd etdiyi görüntülər ortaya çıxdı. Bu, hər şeyi ortaya qoyur. Növbəti mərhələlərdə sabiq klublarım ''Roma'' və ''Mançester Yunayted''lə qarşılaşa bilərəm. Beynimdə qətiyyən intiqam duyğusu yoxdu. Mən ümumiyyətlə intiqam hissini sevmirəm. Çünki bir klubdan ayrıldıqda ordakı pis anları yox, xoş anları xatırlamağa üstünlük verirəm''.