“Sabah” Misli premyer-liqasının 25-ci turunda evdə “Araz-Naxçıvan”la heç-heçə etdi - 2:2.

“Football-plus.az” meydan sahiblərinin baş məşqçisi Vasili Berezutskinin oyunsonrası mətbuat konfransından hesabatı təqdim edir.

- Demək olar ki, oyunda bir qədər üstünlüyümüz var idi. Qollar vurandan sonra asan qollar buraxdıq.

- Tez qol buraxmağı konsentrasiya, yoxsa kubok oyunu ilə əlaqələndirmək olar?
- Bəzən konsentrasiya futbolda qiymət verilməyən bir dəyərdi. Səhvlərin nəticəsində qapılarda qollar gördük.

- Komanda daha çox kuboka köklənib?
- Hələ çempionat vasitəsi ilə heç nə itirməmişik. Bizim məqsədimiz qarşıdakı hər oyunda qalib gəlməkdi.

- Kubokda növbəti mərhələdəki rəqibiniz “Neftçi”nin baş məşqçisi Samir Abasov oyunçusu Bassala Sambuya göstərilən “qırmızı”nın qəsdən verildiyini bildirib. Belə görünür ki, “Sabah”la kubok oyununu nəzərdə tutaraq bunun düşünülmüş addım olmasına eyham vurub. Bu barədə fikirləriniz necədi?
- Həmin epizodu görməmişəm. Daha çox “Sabah”ın oyunlarına köklənirəm. Çox nadir komandalar haqqında fikir bildirirəm. Nəsə demək çox çətindi. “Sabah” olaraq, hakimlər barəsində danışımırıq. Futbolçunun “qırmızı” alması oyunun bir hissəsidi

ƏSƏD SEYİDOV