Yayda “Mançester Siti”də dəyişikliklər gözlənilir.

Komandanı bir sıra təcrübəli futbolçuların tərk edəcəyi xəbər verilir.

İddiaya inansaq, baş məşqçi Xosep Qvardiola komandanın üç əsas futbolçusu ilə vidalaşmaq qərarına gəlib. “El Nacional”ın məlumatına görə, ispaniyalı mütəxəssis klubda genişmiqyaslı yenidənqurma planlaşdırır. Qvardiola Kevin de Bruyne, Bernardo Silva və İlkay Gündoğanın satışının bu prosesi sürətləndirməyə kömək edəcəyinə inanır. Hətta komandanın digər üzvü Filip Fodenin də getmək ehtimalı var. Onunla “Real” və “Bavariya” kimi nəhəng klublar maraqlanır.

“El Nacional”ın xəbərinə görə, 150 milyon avroluq təklif MS rəhbərliyini yarımmüdafiəçi ilə vidalaşmağa vadar edə bilər.