İlkin məşqə çıxır, Maçado isə hələ gözləməlidi
“Araz-Naxçıvan”ın ciddi itki ilə üzləşdiyini xəbər vermişdik.
Ölkə kubokunun 1/4 final mərhələsinin ilk oyununda “Zirə” ilə qarşılaşan “qırmızı-ağlar”ın aparıcı oyunçularından Ramon Maçado artıq 10-cu dəqiqədə yerdə qalmışdı. Görəsən, Maçado nə vaxt meydana qayıdacaq? Brazuiliyalı nədən əziyyət çəkir? Bu sualları “Araz-Naxçıvan”ın mətbuat xidmətinin rəhbəri Mahal Məmmədova ünvanladıq:
“Maçado fevralın 19-da maqnit-rezonans tomoqrafiyasından keçdi. Təxminən 10 günə yaxın yaşıl meydanlardan kənarda qalacaq. Kubok oyunundan sonra məşqlərə başlayacaq. Əzələlərində gərilmələr var idi. Həkim 10 gün müalicə proseduru qəbul etməyi tapşırıb”.
“Kəpəz” isə ölkə çempionatının 23-cü turunda - “Şamaxı” ilə qarşılaşmada itki ilə üzləşib. 56-cı dəqiqədə Maykl Tuiklə toqquşan İlkin Qırtımov mübarizəyə davam edə bilməyib.
“Kəpəz”in mətbuat xidmətinin rəhbəri Azad Musatafayev İlkinin durumuna aydınlıq gətirdi:
“Hər şey qaydasındadı. Artıq məşqlərdə də iştirak edir. Rəqib futbolçu İlkinin dabanını ayaqlamışdı. Ona görə də qarşılaşmanı davam etdirə bilməmişdi. Müayinədən keçdi və heç bir problem çıxmadı”.
ƏSƏD SEYİDOV
Digər xəbərlər
