“Neftçi” Misli premyer-liqasının 19-cu turunda “Sabah”la heç-heçə etdi - 1:1.

“Football-plus.az” xəbər verir ki, "ağ-qaralar"ın baş məşqçisi Samir Abasov oyunsonrası mətbuat konfransında görüş haqda fikirlərini bildirib.

- Matçın sonlarına yaxın sanki Samir Abasov başqa bir şey fikirləşirdi. Oyunçular onun fikrindən razı deyildi. Komandaya 3 xal üçün oynamağı tapşırırdınız. Bunu necə şərh edərdiniz?
- Qalibiyyət üçün çıxmışdıq. Bunun üçün də hər şeyi edirdik. Yaxşı motivasiya ilə çıxmışdıq. Qəbələdə toplanışın necə keçdiyini vurğuladım. Futbolçular qol buraxıb vurursa, daha da ruhlanır. Futbolçuların fizikası, genetikası var. Deməzdim ki, qalibiyyət istəmirlər, 1 xal uğrunda oynayırlar. Biz onların yanında olmalıyıq. Qorxu ola bilər. Bu xalı itirmək də ağıllarına gələ bilər. Yaxşı maraqlı oyun oldu. Öz komandamızın adından danışıram. Sağ olsunlar, yaxşı müabrizə apardılar. Oyunun içində nizam-intizamı düzəltməyə çalışırıq. Çox şaxəlidi. Bir günlə bunlar düzəlməyəcək. Kim hara düşməlidisə, onu da düzgün etdilər. Hücumlarda da daha kəsərli olmalıyıq. O da bizim sezilən tərəfimizdi. Uzunmüddətli bir iş görürük ki, bunların hamısı düzəlsin. Bu tempə dözmək üçün fizikanın hər şeyi yerində olmaldı.

- Problemləri daha tez aradan qaldırmaq üçün yoxlama görüşü keçirmək lazım gəlmədi?
- O vaxta kimi 18 oyun oynamışıq. Aradan qalxmıyıbsa, 2 yoldaşlıq görüşü ilə heçnə olası deyil. Toplanışdan həddindən artıq çox razıyam. Daha da rahat oynamalısan. Biz bunları mərhələ-mərhələ keçməyliyik.

- Azarkeşlərin daha iddialı “Neftçi” görməsi üçün nə qədər vaxt lazımdı?
- Dedim axı Martın 22-si (gülür).

- Vaxtla bağlı rəhbərliyə nəsə demisiz?
- Rəhbərliyə nə qədər vaxt lazım olduğunu deməmişəm. Onlar da çox yaxşı başa düşürlər. Nə qədər dəyişikliklər baş verir. Hamı istəyir ki , daha yaxşı “Neftçi” olsun. Dominant sualını verən insanlar mənim futbolçularımı yerdən-yerə vururlar. Bunlar oynaya bilmirsə, dominant futbolu necə oynadaq? Dominant futbol oynamaq üçün uzun proses keçməlisən. Komanda şəklində öz işivi ortaya qoymalısan . Həddindən artıq mən də bu işlərdən narazıyam. Daha çox şeylər tələb edirik. Bu uzun prosesdi. Bizdən yuxarıda gedən komandalardan “Qarabağ”ı çıxmaq şərti ilə digər komandaların hansıdı dominant? Dominant siz nəyə deyirsiniz? Bu bir günlə düzələn bir şey deyil. Sənin kökün olmalıdı. Bu da 2-3 aydan bir məşqçi dəyişikliyi baş verəndə düzələn bir şey deyil.

ƏSƏD SEYİDOV