''Karyeramı burda bitirmək istərdimmi? Ümidim məhz bu cürdü. Artıq gənc oyunçu deyiləm. Futbolda nələr olacağını heç vaxt əvvəlcədən söyləmək olmur. Amma burda mümkün olduğu qədər çox qalmağa çalışacam. Yayda Avropa Çempionatı davam etdiyi dönəmdə menecerim mənə təkliflərlə bağlı heç nə demədi. Turnir bitdikdən sonra zəng vurub variantların olduğunu bildirdi. Onların arasında ''Bavariya'' da var idi. Amma ona mənimlə yox, ''İnter'' rəhbərliyi ilə danışmalı olduğunu dedim. Çünki müqaviləm davam edir və mən yalnız ''İnter'' rəhbərliyinin istəyinə uyğun davrana bilərəm. Bu səviyyəyə çatmağımda ''İnter''in çox böyük rolu oldu. ''Milan''dan ''İnter''ə transfer olunmaq həyatımda ciddi dəyişikliklərə səbəb oldu. Mənim keçmişdə hər zaman ''İnter''ə simpatiyam daha çox olub. Burdakı karyeram uğurlu başladı və sonra da indi olduğum oyunçuya çevrildim. Bu ilki çempionluq mübarizəsinin necə bitəcəyini söyləmək çətindi. Hər oyunda qalib gəlməyə və pillə-pillə irəliləməyə çalışacağıq. İndi bütün diqqəti ''Kalyari'' ilə oyuna yönəltmişik. Sonra da superkuboka köklənəcəyik. Çempionlar Liqasını qazanmaq mənim hər zaman arzum olub. Amma onu ''İnter''in heyətində qazanmaq istəyirəm. Çünki İtaliyada mümkün olan hər şeyi qazanmışam. Bircə avrokubok çatışmır. Amma daha öncə də söylədiyim kimi düzgün yoldayıq''.