Hansı fanklub daha güclüdü?
2024-ci ili geridə qoymaq üzrəyik.
İl ərzində, adətən, stadionları boş görsək də, bəzən qələbəlik də yaşandı. Ölkənin öndə gedən fanklubları “Forza Neftçi”, “Ultras Turan” və “İmarət Tayfa”dı. Bəs onlar kimi daha güclü sayır. Bu sualla hər üç fankluba müraciət etdik.
“Forza Neftçi”nin rəhbəri Səccad Abbasov danışmaq istəmədi. Lakin “Ultras Turan”la “İmarət Tayfa”nın rəhbərləri danışdı.
Kamal Saqqayev (“Ultras Turan”):
“Əlbəttə, “Ultras Turan” sözünü deyir. İnşallah, liderliyimizi qoruyacağıq. Məncə, ən güclü bizik. Ev və ya səfər oyunları bizlər üçün fərq etmir. Hünərimiz var yeni tarix yazmağa”.
Elnur Quliyev (“İmarət Tayfa”):
“Özümüzü ölkənin ən güclü fanklubu sayırıq. Amma Azərbaycanda futbola maraq gündən-günə ölür. Buna baxmayaraq, ətrafımıza 100-200 nəfər toplayıb, oyuna gəliriksə, böyük bir şeydi. Yığmanın oyununda belə tribunalar boş qalır. Ən güclü olmaq üçün stadionu doldurmaq lazımdı. Gərək 30 minlik stadionda iki sektor azarkeş kütlən ola”.
ƏSƏD SEYİDOV
Digər xəbərlər
