A seriyasının klubu “Cenoa” aylarla davam edən qeyri-müəyyənlikdən sonra tam şəkildə rumıniyalı iş adamı Dan Şukuya məxsus şirkətin mülkiyyətinə keçib.

Bu haqda klubun mətbuat xidməti bəyanat yayıb.

Klub rumıniyalı iş adamının 77 faiz pay almaq üçün 40 milyon avro ödədikdən sonra səhmlərin əksəriyyətini əldə etdiyini açıqlayıb. Funksioner həmçinin “Cenoa”nın kriket klubunu da alıb. Şuku Buxarest “Rapid"inin səhmlərinin 90 faizinə də sahibdi. Ölkənin ən böyük mebel markalarından birinin qurucusu olan iş adamının daşınmaz əmlak sektorunda investisiyaları var.

Xatırladaq ki, “Cenoa” hazırda A seriyasında 14-cü pillədə qərarlaşıb.