“Aston Villa” yayda Semih Kılıçsoy üçün 12 milyon avro təklif etdi. Sonra təklifi 15 milyon avroya qədər yüksəltdilər. Həm bu məbləği ödəyəcəkdilər, həm də Semih bizdə bir il icarədə oynayandan sonra İngiltərəyə yollanacaqdı. Üstəlik bizə Dieqo Karlos – Aleks Moreno ikilisindən birini təklif etdilər. Təbii ki, mən təklifi qəbul etdim. Amma Hasan Aratı heç cür yola gətirə bilmədim. 15 milyon avronun Semih üçün çox az olduğunu dedi. Məncə, səhvə yol verdi, qəbul etməliydi. Bəziləri deyir ki, nə üçün futbolçuları cəzalandırmırıq və əsas komandadan kənarlaşdırmırıq? Axı futbolçunu əsas heyətdən kənarlaşdırmaq komandanın özü üçün intihardı. Oyunçunun nə vecinə? Bu durum onun ürəyincədi. Çünki heç nə etmədən pulunu almaqda davam edir. Üstəlik belə futbolçulara başqa klublar da maraq göstərmir. Sonra da gəlib “məni qovmaq istəyirsənsə, pulumu sona qədər ver, çıxım gedim” deyir. Joao Marionun adı ortaya atılanda düşünürdüm ki, bu futbolçu ilə ciddi maraqlanmırıq. Amma sən demə, maraqlanırmışıq. Onunla bağlı skautların raportları bəyənilməmişdi. Amma məni razı salmaq üçün məndən gizli onunla Van Bronkhorstu görüntülü danışdırdılar. Son sözü Hasan Arat söylədi. Mən sona qədər də bu transferə qarşı çıxdım. Yeri gəlmişkən, artıq onun müqaviləsindəki maddə də qüvvəyə minib. Müəyyən sayda oyun keçirdiyi üçün yayda 2 milyon avro ödəyərək Marionu daimi əsasda transfer etməli olacağıq. Artur Masuakunun bəzi hərəkətləri heç xoşuma gəlmədi. Maaşların bir qədər gecikdiyi dönəmdə bizim qarşımıza şərt qoyan yeganə futbolçu oldu. Onunla bu barədə söhbətim olacaq. Avqustdan bəri maaşlar da, mükafatlar da vaxtında ödənilirdi. Halbuki bəzi klublar hətta ötən mövsümdəki mükafatları da hələ ödəməyib. Kiçik bir gecikmə olan kimi kluba hədə-qorxu gəlmək düzgün deyil. Biz Cenk Tosuna yeni müqavilə təklif etmədik. O da təbii ki, futbolsuz, pulsuz qalmamaq üçün “Fənərbaxça”nın təklifini qəbul etdi. “Beşiktaş”ın daha da çətin duruma düşməsinin qarşısını alanlardan biri mənəm. 1 il öncə bu vəzifəyə gəldiyimiz zaman büdcədə yalnız 90 milyon lirə var idi. Dərhal dekabrın maaşlarını ödədik. Yanvardan etibarən heç bir gəlirimiz olmayıb! Yalnız xərclərimiz olub. Yəni 11-12 ay boyunca öz cibimdən büdcəyə lazım olan qədər pul koçürmüşəm. Rafa Silva, Paulista, İmmobilenin imza parasını öz cibimdən ödədim. Bu pulları “Beşiktaş”a bağışlayıram. Fikrət Orman “bu rəhbərlik Hüseyn Yücəlsiz heç 5 ay da tab gətirə bilməzdi” dedi. Onun sözləri ilə tamə razıyam. Nəinki 5, heç 3 ayı da görə bilməzdilər. Fikrət Orman məndən daha ağıllıymış. Bunu görə bilməmişdim. Mən Hasan Aratın rəhbərliyinə, sadəcə, transferlərdə müəyyən dəstək göstərmək üçün daxil olmuşdum. Amma klubun içi ilə tanışlıqdan sonra quyunun dibində olduğumuzu gördüm! “Beşiktaş”ın öndə gələn isimlərindən, təxminən 40-50 nəfərin hərəsindən 2 milyon avro istəyəcəm. Sonra bunu 36 ay ərzində qaytarmağa çalışacam. Faizini istəyən olsa, öz cibimdən verəcəm. Hər halda, 2 milyon avro verməyə razı olarlar. Demirəm ki, bu pulu kluba bağışlasınıar. Komandanın yaşaması üçün bu pullara ehtiyac var. Hər birinin borcunun qaytarılacağına şəxsən özüm zəmanət verəcəm”.