“Ayrılmağımla bağlı məsələlər...” – Vitali Kovalyov “Sabah”dan narazıdı?
Məlum olduğu kimi, “Sabah”ın qapıçılar üzə məşqçisi Vitali Kovalyov vəzifəsindən ayrılıb. İndi onu “bayquşlar”ın U-19 komandasında çalışan Elçin Cəfərov əvəz edir.
Bəs mütəxəssisin komandadan ayrılmasına səbəb nədi? Baş məşqçi və ya klub rəhbərliyi ilə münasibətlər pozulub? Ya Kovalyov artıq Krunoslav Renduliçi qane etmir? Başqa ehtimal odu ki, məşqçinin fərqli planları var.
Bu haqda ətraflı məlumat almaq üçün Kovalyova müraciət etdik.
Onun “Football-plus.az”a söylədikləri:
“Hazırda dincəlirəm. “Sabah”dan qarşılıqlı razılıq əsasında ayrıldım. Geridə qalan altı il ərzində bu komandanın bir parçası olduğum üçün kluba minnətdaram. Hesab edirəm ki, indiyə qədər çox iş görmüşük və müəyyən nəticələr qazanmışıq. Kluba uğurlar arzulayıram. İnanıram ki, “Sabah”ı premyer-liqada və beynəlxalq yarışlarda böyük qələbələr gözləyir. Ayrılmağımla bağlı məsələlər klubla mənim aramda olan mövzudu. Qərarımı vermişəm. Heç kimdən narazılığım, şikayətim yoxdu”.
KƏNAN BAHADIR
Digər xəbərlər
