“Sabah” basketbol komandası bu gün Avropa kubokunda sonuncu oyununa çıxacaq.

"Football-plus.az" xəbər verir ki, G qrupunda yarışan təmsilçimiz 6-cı turda İsveçdə yerli “Norrçepinq Dolfins” komamdası ilə üz-üzə gələcək. Oyun Bakı vaxtı ilə saat 22.00-da başlanacaq.

Qrupun digər matçında “Marussi” (Yunanıstan) “Spiru” (Belçika) ilə qarşılaşacaq.

Qeyd edək ki, “Sabah” 5 oyundan 5 xalla qrupda sonuncu yerdədi. Lider “Spiru”nun 10, 2-ci yerdəki “Marussi”nin 8, 3-cü pillədə qərarlaşan “Norrçepinq Dolfins”in isə 7 xalı var.

Qrupda ilk 2 yeri tutan komanda növbəti mərhələyə yüksəlir. Matçın nəticəsindən asılı olmayaraq, "Sabah" növbəti mərhələyə adlamaq şansını itirib.