Qəbələyə yollanan komanda noyabrın 16-da Estoniyanı qonaq edəcək.
Yığmanın “Zirə”dən olan qapıçısı Aydın Bayramov “Football-plus.az”a əvvəlcə “Qarabağ”a 0:4 hesablı məğlubiyyətdən danışdı:
“Qarabağ"a qarşı oyunlar həmişə ağır keçir. Oyuna pis başladıq, erkən qol buraxdıq. Belə komanda ilə oyuna 1:0 geridə başlamaq çox çətin olur. Xırda səhvlərimiz bu cür məğlubiyyətə gətirib çıxardı”.
Bayramov yığma ilə bağlı gözləntilərini də açıqladı:
“Qarşıda iki vacib oyunumuz var. Çalışacağıq ki, maksimum güc qoyub bu oyunlarda yaxşı nəticə göstərək, xallar qazanmaqla xalqımızı sevindirək”.
RÖYANƏ OĞUZ
