Vaqif Cavadov gəldi, Samir Abasovun qərarını dəyişdi
"Sumqayıt”ın yeni baş məşqçisi Vaqif Cavadov sələfi Samir Abasovla müqayisədə klubdaxili intizam qaydalarını bir qədər sərtləşdirib. Onun istəyi ilə futbolçular hər matçdan öncə oteldə yığışacaq.
Halbuki Samir Abasovun dönəmində oyuna birbaşa evdən yollanırdılar. Ümumiyyətlə, Vaqif Cavadov gələndən sonra komandada işin qurulmasında hansısa yeniliklər varmı? Bu sualları “Sumqayıt”ın mətbuat xidməti rəhbəri Zaur Xudiyevə ünvanladıq:
“Bu təkcə bizdə olan bir şey deyil. Bir çox komandalar bu üsuldan yararlanır. “Araz-Naxçıvan” da, “Turan Tovuz” da, başqaları da... Bu, sadəcə, baş məşqçinin seçimidi. Hansısa bir intizam pozuntusundan, işin düzgün qurulmamasından söhbət gedə bilməz. Məşqçilərin tərzi fərqlidi. Dünya futbolunda da, Türkiyə futbolunda da belə oyunöncəsi kamp məsələsi var”.
ƏSƏD SEYİDOV
Digər xəbərlər
