“Mançester Yunayted” rəhbərliyinin “Mançester Siti”yə işə düşüb.

MY rəhbərliyi qarşı tərəfdən oyunçuları Alexandro Qarnaço ilə Kobbi Maynunu “Qızıl top”un təqdimetmə mərasiminin keçiriləcəyi Parisə təyyarə ilə aparmağı xahiş edib. “Daily Mail”in məlumatına görə, MY klubun hazırda xərclərin optimallaşdırılması mərhələsində olduğu üçün belə addım atıb.

“Yunayted” əlavə xərclərə yol verməmək üçün futbolçularını xüsusi təyyarə ilə göndərmək istəməyib. “Mançester Siti” isə şəxsi təyyarəsində yer qalmadığı üçün “Yunayted”in xahişini yerinə yetirməyib.

Xatırladaq ki, Qarnaço ilə Maynu ilin ən yaxşı gənc futbolçusu üçün ayrılan mükafata namizədlərin siyahısındadı.