''Mən əslində Nuri Şahinlə bağlı pis bir söz demədim. Məşqçilikdə çox yaxşı yerlərə də gələ bilər. Alicənab, düzgün bir adama bənzəyir. Harvard Universitetini də bitirib. Mənim deməyim odu ki, məşqçilikdə heç bir uğur qazanmadan başqa səviyyəyə yüksəlmək olmur. Mənim sözlərimi yaxşı dinləsin. Müəyyən yerlərə gəlmək üçün ən azı əvvəlcə bəzi şeyləri bacarmaq lazımdı. Mənə bu cür cavablar verməsi düzgün deyil. Nuri qardaşım, mənim bu sahədə uğurlarım var. Sənin nəyin var? Harda uğurun var? Yəni sən bir məşqçini tənqid edə bilmərsən, çünki hələ özün məşqçilik səviyyəsinə çatmamısan. Aramızda fərq budu. Nurinin də Fariolinin də hələlik məşqçilikdə heç bir uğuru yoxdu. Mənimlə eyni masada oturub müzakirələr aparmaq üçün əvvəlcə nəsə qazanmalıdılar. Bəziləri məni bu məsələni reytinq xətrinə gündəmə gətirməkdə günahlandırır. Nurinin nə reytinqi var? Nuri haqda danışmaqla kimdən nə reytinq qazanacam? Bəli, türk olaraq onunla fəxr edirik. Amma indi susub və başını aşağı salıb işini görməlidi. Bir daha deyirəm ki, onun indi məşqçilikdəki nüfuzu mənimlə oturub söhbət etməyə imkan vermir. ''Borussiya''da sadəcə ona dəyər veriblər, önəmli biri kimi qəbul edərək komandanı tapşırıblar. Ona görə də bu işləri buraxıb öz işinə baxsın''.