Bu gün millimizi İngiltərəylə oyun gözləyir.

AÇ-2025-in seçmə mərhələsində keçiriləcək matç “CBC Sport” vasitəsilə canlı yayınlanacaq.

15 oktyabr
İngiltərə U-21 - Azərbaycan U-21 7:0
Çarli Kressvel, 2. Kallum Doyl, 27. Ceyms Makati, 55. Cəlal Hüseynov, 70 - öz qapısına. Elliot Anderson, 72. Dani Skarlett, 86. Omari Hatçinson, 90.
Hakimlər: İVANA MARTİNÇİÇ, Sanja Rodjak-Karşiç, Maja Petraviç, Sabina Bolic (hamısı Xorvatiya)
Bristol. “Aşton Qeyt”. Saat 22.30.

Bəli, bu dəfə rəqib daha çətin və daha iddialıdı. Təəssüf ki, yığmamızdan qələbə gözləntisi sıfra bərabərdi. Hətta baş məşqçi Samir Ələkbərov aşağıda oxuyacağınız açıqlamasında nəinki komandanın, özünün də psixoloji cəhətdən yaxşı olmadığını etiraf edib. O, tribunaların dolu olacağını bildirməklə yanaşı, İngiltərə ilə Azərbaycanı müqayisə etməyin yersiz olduğunu deyib. Düzdü, haqlıdı. Bu rəqib martda keçirilən matçda yığmamızı 5:1 hesabıyla darmadağın edib. Bəs Samir bəy məsuliyyət daşıdığını hiss edirsə, niyə hələ də istefa verməyib? Elə aşağıdakı turnir cədvəli bu addım üçün yetərli deyilmi? Hələ İngiltərəylə matçdan sonra həmin rəqəmlərdə hansı dəyişikliklərin olacağı da, demək olar ki, bəllidi. Odu ki, bu matçla bağlı çox danışmağa ehtiyac yoxdu. Onsuz da İngiltərə Ukraynanı qabaqlamaq ümidi ilə bütün gücündən yararlanacaq. Bizim gücümüz isə sonuncu pillədən qurtulmağa çatmadı!

1. Ukrayna 9 8 0 1 20-6 24
2. İngiltərə 9 7 1 1 34-6 22
3. Serbiya 9 4 1 4 12-18 13
4. Ş.İrlandiya 9 3 1 5 10-10 10
5. Lüksemburq 9 2 1 6 6-23 7
6. Azərbaycan 9 1 0 8 4-23 3

KƏNAN BAHADIR