“Yaxşı başlamadıq. Bu dəqiqə layiq olduğumuz yerdə deyilik. Buna baxmayaraq, əlimizdən gələni edirik ki, layiq olduğumuz yerlərə, yəni yüksək pillələrə qalxaq. Ona görə də bütün oyunlara qələbə üçün çıxacağıq, heç də ümidsizliyə qapılmamışıq. Çempionatın əvvəlidi. Düzdü, bu xal itkiləri bizə problem yaradacaq, amma irəlidə oyunlar var. Komandama güvənirəm. Bilirəm ki, hamı əziyyət çəkir, qələbə üçün döyüşür, sadəcə, nələrsə çatmır. Hücumları qolla tamamlamaqda problemimiz var. Amma bu o demək deyil ki, hücumçularımız yoxdu və yaxud hücum mövqelərimiz boşdu. Sadəcə, alınmır, alınacaq. İnanıram ki, bu komanda layiq olduğu pillədə yer alacaq. Futbolçulara vaxt lazımdı. Bir qələbə qazansaq, hər şey yoluna düşəcək”.