"Kişilərdən ibarət milli komandamız 12-ci başladığı turniri 8-ci sırada bitirdi, nəticəmizi qənaətbəxş qiymətləndirirəm. Hər kəs əlindən gələni etməyə çalışırdı, komandamızda pozitiv ab-hava var idi. Bu turnir mənim ilk Olimpiada təcrübəm idi. Düşünürəm ki, yaxşı çıxış etdim, karyeramda ilk dəfə “top-100”ə daxil oldum. Teymur Rəcəbovun kapitanlığını çox bəyəndim, matçlardan öncə komanda toplantılarında söhbət edərkən və oynayanda yanımızda belə güclü, elit şahmatçının olması bizə güclü motivasiya və yaxşı əhval-ruhiyyə verirdi. Bundan sonrakı hədəfim tezliklə 2700 həddini aşıb, adımı elit şahmatçılar sırasına yazdırmaqdı".