“Neftçi”nin turnir cədvəlində bu yerdə olacağını təxmin etmirdim. Problemlərin olduğu açıq-aşkar görünür. “Kəpəz” maliyyə ilə bağlı problemlər yaşayır. Federasiyanın verdiyi pul ilə çox da böyük uğur eldə etmək mümkün olmayacaq. “Kəpəz” haqda danışmağın çox da əhəmiyyəti olmadığını qeyd edərdim. “Neftçi”nin isə bu qədər imkanlarla sonuncu yerlərdə olması məsələnin 2-ci tərəfidi. Hər dəfə baş məşqçi gətirəndə nəticələrə təsir edəcək. Məsələ burasındadı ki, Qriqorçukun taktiki baxımdan səhv etdiyini düşünmürəm. Bəlli bir oyun üslubu var. Oyunun taleyini futbolçular həll edir. Qriqorçukun ən böyük səhvlərindən biri, ümumiyyətlə, komandanın ierarxiyasını dağıtması oldu. Komandanın aparıcı oyunçularını xaric edirsənsə, sonra da komandada birlik tələb edirsənsə, bu qeyri-mümkündü. Daha çox liderlik keyfiyyətləri olan yerli oyunçun yoxdusa, çox da uzağa gedəsi deyilsən, nəticələrin dəyişməyəcək. Buna görə də düşünürəm ki, həm baş məşqçi, həm də rəhbərlik buna imkan verməməliydi. “Neftçi”yə gələn mərkəz yarımmüdafiəçilərinin səviyyəsi komandadan gedənlərdən yüksək deyil. Komanda hücumların təşkilində nə qədər top itkisinə yol verir. Kimlər bu oyunçuları seçir, gətirir? Bəlkə də bu oyunçular başqa komandalarda yaxşı performans göstərə bilir. Amma komandanın başında duran məşqçi hansı futbolçunun uyğun gəlib-gəlmədiyinə qərar verməlidi. Yeni gələnlərin keyfiyyəti “Neftçi”ni yuxarı yerlərə daşımağa qadir deyil. “Nefçi” sonuncu yerlərdə qalası deyil, nə vaxtsa qələbə qazanmağa başlayacaq. Amma əmin ola bilərlər ki, çempionluq mübarizəsindən qıraqdadılar. Avrokuboklarda oynamaq üçün mübarizə aparacaqlar, işlərini çətinə salırlar”.